Ռոնալդուն խփեց ընթացիկ մրցաշրջանի 50-րդ գոլը
Ինչպես արդեն նշել ենք, Մադրիդի «Ռեալի» հարձակվող Կրիշտիանո Ռոնալդուն Իսպանիայի առաջնության 31-րդ տուրի շրջանակներում «Ատլետիկի» հետ կայացած խաղում դարձել է դուբլի հեղինակ։
Այդ խաղում պորտուգալացու 2-րդ գոլը 50-րդն էր ընթացիկ մրցաշրջանում։ Հաղորդում է «արքայական ակումբի» պաշտոնական կայքը։
Կրիշտիանո Ռոնալդուն իր ակտիվում ունի 31 գոլ Պրիմերայում, 11՝ Չեմպիոնների լիգայում, 6՝ Իսպանիայի գավաթի և 2՝ Իսպանիայի սուպերգավաթի խաղարկություններում։
Հավելենք, որ Ռոնալդուն շարունակում է իր գոլերի շարքը. ֆուտբոլիստն արդեն 8 խաղ անընդմեջ դառնում է գոլի հեղինակ։
Մարզական լրահոսն ապահովում է SportArmenia.com-ը
