Գարեթ Բեյլը վնասվածք է ստացել
«Տոտենհեմի» կիսապաշտպան Գարեթ Բեյլը «Բազելի» հետ կայացած Եվրոպա լիգայի քառորդ եզրափակիչ առաջին խաղում (2։2) վնասվածք է ստացել և խաղադաշտը լքել պատգարակով։ Մրցավարի ավելացրած ժամանակում լոնդոնցիների առաջատարը բախվել է մրցակցի ֆուտբոլիստներից մեկի հետ և վնասել կոճը։ Հաղորդում է BBC-ն։
«Գարեթը վնասել է ոտքը, այժմ ուժեղ ցավեր ունի։ Հույս ունեմ, որ վնասվածքը շատ լուրջ չի լինի», – ասել է «Տոտենհեմի» գլխավոր մարզիչ Անդրե Վիլա-Բոաշը։
Մարզական լրահոսն ապահովում է SportArmenia.com-ը
