Դամասկոսում պայթյուն է տեղի ունեցել Սաուդյան Արաբիայի դեսպանատան մոտ
Սիրիական SANA պետական լրատվական գործակալության փոխանցմամբ՝ սիրիացի ապստամբների արձակած ականանետային արկն ընկել է Դամասկոսում գտնվող Սաուդյան Արաբիայի դեսպանատան մոտ՝ «Ալ Ջահեզ» զբոսայգու հարևանությամբ:
Դրա հետևանքով զոհվել է 3 և վիրավորվել է 13 մարդ,այդ թվում նաև կանայք և երեխաներ: Արկը նյութական խոշոր վնաս է պատճառել հարևան շենքերին, խանութներին և տեղանքում կայանված ավտոմեքենաներին:
Հիշեցնենք, որ երեկ էլ պայթյուն էր գրանցվել Դամասկոսում Իրանի դեսպանատան շենքի մոտ:
