
Վրաստանում 27-ամյա հղի կինը մահացել է H1N1 վիրուսից

Վրացական GHN լրատվական գործակալության փոխանցմամբ՝ Քութայիսում 27-ամյա հղի կինը մահացել է H1N1 վիրուսից: Որպես նրա մահվան պատճառ է նշվում ուշացումով բժիշկներին դիմելը:
Նա հիվանդանոց է դիմել այդ վիրուսով վարակվելուց միայն մեկ շաբաթ անց: Այս տարի դա Վրաստանում H1N1 վիրուսից մահացության 19-րդ դեպքն է: Մահացածներից 3-ը հղի կանայք են, ևս երեքը՝ երեխաներ:
Ընդհանուր առմամբ, ներկա դրությամբ Վրաստանում գրանցվել է H1N1 վիրուսով վարակվելու 263 դեպք: Այս վիրուսը հեշտությամբ մարդուց փոխանցվում է մարդուն և հայտնի է որպես «խոզագրիպ»: