Ստոմատոլոգները հանդիպել են ՀՀ ֆինանսների նախարարի տեղակալի հետ
Այսօր մի խումբ ատամնաբույժներ հանդիպել են ՀՀ ֆինանսների նախարար Վաչե Գաբրիելյանի տեղակալ Սուրեն Կարայանի հետ: Այս մասին 168.am-ի հետ զրույցում ասաց Վաչե Գաբրիելյանի քարտուղար Իրինա Այվազյանը:
Վերջինիս խոսքով` քննարկվել են «Արտոնագրային վճարների մասին» օրենքում կատարված փոփոխությունները: Իրինա Այվազյանը նաև նշեց, որ հանդիպման մանրամասների, եզրակացությունների մասին կտեղեկացնի վաղը:
Հիշեցնենք, որ «Արտոնագրային հարկի մասին» օրենքում կատարված փոփոխության արդյունքում մայրաքաղաքի կենտրոնական հատվածների ատամնաբուժական կենտրոնները, որոնք ունեն մինչև 3 աթոռ, յուրաքանչյուրի համար պետք է վճարեն 80.000 դրամ, իսկ ծայրամասերինը՝ 60.000 դրամ:
