«Ժողովրդավարական հայրենիքը» պահանջում է ՀԱԿ համակարգողի պաշտոնից հեռացնել Լևոն Զուրաբյանին
«Ազատություն» ռադիոկայանի հետ զրույցում ՀԱԿ անդամ Պետրոս Մակեյանը չի հերքել մամուլում տեղ գտած այն հրապարակումները, թե ճգնաժամից դուրս գալու շրջանակներում «Ժողովրդավարական հայրենիք» կուսակցությունը պահանջում է Կոնգրեսի համակարգողի պաշտոնից հեռացնել Լևոն Զուրաբյանին։
Ըստ նրա՝ ՀԱԿ-ը ճգնաժամից դուրս բերելու մասին իրենց աշխատանքային փաստաթղթում իրենք նաև Զուրաբյանի հեռացման հարցն են դրել:
«Մենք ներկայացրել ենք կոմպակտ փաստաթուղթ` ճգնաժամից դուրս գալու մասով, և անձերի մասով մեր մոտեցումները ես չեմ կարող հրապարակել»,- ասել է:
«Ազատություն» ռադիոկայանի հարցին՝ բայց կա՞ նման բան, Զուրաբյանի հետ կապված ինչ-որ բան կա՞, Պ. Մակեյանը պատասխանել է. «Ես չեմ կարող որևէ բան պնդել։ Ես ոչ մի բան ո՛չ հաստատում եմ, ո՛չ հերքում եմ»։
