Կոենտրաուն և Մոուրինյոյի օգնականը վիճաբանել են
Մադրիդի «Ռեալի» պորտուգալացի պաշտպան Ֆաբիո Կոենտրաուն թիմի մարզման ժամանակ վիճաբանություն է ունեցել Ռույ Ֆարիայի հետ, ով գլխավոր մարզիչ Ժոզե Մոուրինյոյի օգնականն է:
Մոուրինյոյի օգնականին դուր չի եկել, թե ինչպես է Կոենտրաուն մարզվում ընդհանուր խմբի հետ, որին նա նոր էր միացել: Ֆարիային դուր չի եկել, որ Կոենտրաուն մարզման ժամանակ անհարկի վտանգի է ենթարկել իրեն:
Մարզումից հետո մարզիչը ֆուտբոլիստից բացատրություն է պահանջել, ինչն էլ վերածվել է վիճաբանության: Պորտուգալացիներն ամբողջ թիմի առաջ իրար վրա ձայն են բարձրացրել, իսկ ավելի ուշ ֆուտբոլիստը լքել է խաղադաշտը:
Մարզական լրահոսն ապահովում է SportArmenia.com-ը
