Մոուրինյոն ու Ֆերգյուսոնը միասին թեյ են խմել
Մադրիդի «Ռեալի» գլխավոր մարզիչ Ժոզե Մոուրինյոն «Մանչեսթեր Յունայթեդի» գլխավոր մարզիչ Ալեքս Ֆերգյուսոնի արձանի բացման նախօրեին խոսել է շոտլանդացի մասնագետի ձեռքբերումների մասին։
«Նա յուրահատուկ անձնավորություն է։ Այժմ դա ավելի լավ է զգացվում։ Եթե վերադառնանք անցյալ, ապա, միգուցե, կարող ենք գտնել նրա նման մարդկանց, սակայն ժամանակակից ֆուտբոլում անհավանական է պահել պաշտոնը՝ մշտապես ցուցադրելով բարձրակարգ ֆուտբոլ։
Ֆերգյուսոնը հիանալի է կատարում իր պարտականությունները, և ինձ համար դժվար է պատկերացնել, որ նա մի օր թոշակի է գնալու։ Նա պարզապես անկրկնելի է», – Մոուրինյոյի խոսքերն է մեջբերում անգլիական ակումբի պաշտոնական կայքը։
Հարկ է նշել, որ երեկ կայացած «Մանչեսթեր Սիթի» – «Ռեալ» հանդիպումից հետո պորտուգալացի մասնագետը Ֆերգյուսոնի հետ միասին թեյ է ըմպել։
Մարզական լրահոսն ապահովում է SportArmenia.com-ը
