Կոտրել են Հրանտ Մաթևոսյանի արձանի ոտքը (լուսանկարներ)
Նոյեմբերի 15-ին, ժամը 00.30-ին, ոստիկանության Երևան քաղաքի վարչության հերթապահ մասից ոստիկանության Կենտրոնականի բաժնում հաղորդում է ստացվել, որ իրենց է զանգահարել մի քաղաքացի և հայտնել, որ «Մալիբու» այգու մոտ տեղադրված Հրանտ Մաթևոսյանի արձանի ոտքը 2 օտարերկրացի կոտրել են: Այս մասին տեղեկացնում է ՀՀ ոստիկանության մամլո ծառայությունը։
Նույն օրը, ժամը 00.45-ին, ոստիկանության Երևան քաղաքի վարչության ՊՊԾ գնդի ծառայողները Մաշտոցի պողոտայից բաժին են հրավիրել Իրանի Իսլամական Հանրապետության երկու քաղաքացիների:
Պարզվել է, որ նոյեմբերի 14-ին, ժամը 23.30-ին, «Մալիբուի» այգում նրանցից մեկը նկարվելու համար նստել է Հրանտ Մաթևոսյանի արձանի ոտքին և անզգուշորեն կոտրել:
Նշանակվել է ապրանքագիտական փորձաքննություն, հանգամանքները և վնասի չափը պարզվում են: Կատարվում է հետաքննություն:
