Բարսելոնան Չեմպիոնների լիգայի լավագույն թիմն է փոխանցումների քանակի և ճշգրտության տեսակետից
Չեմպիոնների լիգայի խմբային փուլի 4-րդ տուրից հետո «Բարսելոնան», ինչպես և սպասվում էր, շարունակում է մնալ լավագույն թիմը փոխանցումների քանակի (2655) և դրանց ճշգրտության (87%) տեսակետից: Բոլորից քիչ փոխանցումներ կատարել են «Սելտիկի» ֆուտբոլիստները՝ 1198, իսկ «Կլուժի» խաղացողների փոխանցումների միայն 50 տոկոսն է հասել իր նպատակին: Այս մասին հայտնում է Sovsport-ը:
Դարպասին կատարած հարվածների քանակով առաջատարը Մադրիդի «Ռեալն» է (49), երկրորդ ցուցանիշը պատկանում է «Շախտյորին» (43):
Մարզական լրահոսն ապահովում է SportArmenia.com-ը
