Ինչպես պետք է պահեք ձեզ առաջին ժամադրության ընթացքում
Որոշ հոգեբանների համոզմամբ` տղամարդը միշտ և ամենուր առաջինը նայում է ոչ թե կնոջ արտաքինին, այլ ոտքերին, հագուկապին և, եթե կարճ փեշ է հագել՝ փեշին: Ըստ ամերիկացի մի շարք հոգեբանների` այսպիսին է լինում տղամարդու առաջին ռեակցիան կնոջը հանդիպելիս:
Ինչպե՞ս պետք է կինը պահին իրեն առաջին ժամադրության ժամանակ: Ինչ խորհուրդ են տալիս հոգեբանները:
- Զգացեք ձեզ հարմարավետ, ինչ իրավիճակ էլ լինի: Եթե անգամ դիմացինը ձեզ դուր չի գալիս, պահեք ձեզ հասարակ, բայց և, միևնույն ժամանակ, հատուկ:
- Պետք չէ կրել զգեստապահարանի ամենանոր կամ ամենաշքեղ հագուստը կամ սեղմող կոշիկներ: Դրանք ձեզ կկաշկանդեն:
- Մի օգտագործեք չափից շատ օծանելիք, առավել ևս` խիտ բույրեր:
- Աշխատեք համահունչ խոսել, շարժվել և մտածել: Թող այդ գործողություններից և ոչ մեկը մյուսից առաջ չընկնի:
Գիտնականները պարզել են, որ առաջին հանդիպման ժամանակ և կոկետություն անելիս կանայք առավել շատ էներգիա են ծախսում, քան մի քանի ամիս տևող դիետայի ընթացքում:
Ամերիկացի գիտնականները տղամարդկանց խորհուրդ են տալիս կանանց հետ առաջին ժամադրության ժամանակ զրուցել շատ զգույշ, բայց և համարձակ: Բրիտանական համալսարաններից մեկի հոգեբանները պարզել են, թե ինչպիսի հարցեր պետք է տալ կողակցին առաջին հանդիպման ընթացքում:
- Սիրելի տղամարդիկ, աշխատեք առաջին նախադասությունը կառուցել հաճոյախոսությունների շուրջ: Դա կնոջը կշոյի:
- Ըստ գիտնականների և հոգեբանների` կանայք իրենց որոշումը կայացնում են հանդիպման առաջին 30 րոպեների ընթացքում: Սիրելի տղամարդիկ, գործի դրեք ձեր երևակայությունը:
- Մի տվեք, այսպես կոչված, «փակող» հարցեր, այլապես դուք կձախողվեք:
- Խուսափեք այնպիսի թեմաներից, որոնք կարող են անհամաձայնություններ առաջացնել: Փորձեք նախ ճանաչել դիմացինին, ապա նոր միայն արտահայտել ձեր տեսակետը այս կամ այն հարցի շուրջ:
- Խուսափեք ֆիլմերի մասին զրուցելուց: Հնարավոր է, որ դիմացինն այդ ֆիլմը դիտած չլինի, կամ, եթե անգամ դիտած լինի, ապա հավանականությունը մեծ է, որ ձեզանից տարբեր դիրքորոշում կունենա դերակատարների կամ ֆիլմի սյուժեի մասին:
Ըստ հոգեբանների` ճիշտ կլինի առաջին հանդիպման գլխավոր թեման դարձնել ճանապարհորդությունը: Դա հաստատ դիմացինին կհետաքրքրի:
