Փլուզում Խանջյան փողոցում. նախնական տեղեկություններով` 9 բանվոր վիրավորվել է
Հոկտեմբերի 25-ին, ժամը 13.10-ին ահազանգ է ստացվել, որ Երեւանի Խանջյան փողոցի թիվ 20 շենքի մոտակայքում տեղի է ունեցել կիսակառույց շենքի փլուզում, կան տուժածներ. անհրաժեշտ է հրշեջ-փրկարարների օգնությունը: Այս մասին տեղեկացնում է News.am-ը:
ԱԻՆ լրատվական ծառայությունից հայտնում են, որ դեպքի վայր են մեկնել ՃԿԿ ԱԻ արձագանքման, հատուկ փրկարարական ջոկատի հերթապահ խմբերը եւ մեկ մարտական հաշվարկ:
NEWS.am-ի նախնական տեղեկություններով, 9 բանվոր մնացել է փլատակների տակ: Առայժմ հաջողվել է մեկ բանվորի հանել եւ տեղափոխել հիվանդանոց:
