Երկրորդ տեսակետ ԲՀԿ-ում լինել չի կարող
168.am-ի հետ զրույցում ԲՀԿ մամուլի խոսնակ Տիգրան Ուրիխանյանը հերքեց ՀՀԿ փոխնախագահ Գալուստ Սահակյանի այն հայտարարությունը, որ` եթե ԲՀԿ-ն չբոյկոտեր ԲՀԿ-ական պատգամավոր Վարդան Օսկանանին անձեռնմխելիությունից զրկելու մասին ՀՀ գլխավոր դատախազի ներկայացրած միջնորդությունն ու մասնակցեր այդ քվեարկությանը, ապա «կողմ ձայներն ավելի շատ կլինեին»:
«ԲՀԿ-ի դիրքորոշումը, միանշանակ, միասնական կարծիքի արտահայտում է: Որևէ երկրորդ տեսակետ լինել չէր կարող»,- ասաց Տ. Ուրիխանյանը:
Մեր հարցին, թե համոզվա՞ծ եք, որ ԲՀԿ բոլոր պատգամավորները կողմ չէին քվեարկի, Տիգրան Ուրիխանյանը պատասխանեց. «Միանշանակ»:
ՀԻշեցնենք, որ այսօր կայացած ԱԺ ճեպազրույցի ժամանակ ՀՀԿ խմբակցության ղեկավար Գալուստ Սահակյանը հայտարարել էր, որ եթե ԲՀԿ-ն չբոյկոոտեր և մասնակցեր այդ քվեարկությանը, ապա կողմ ձայներն ավելի շատ կլինեին
