ԲՀԿ-ն վիրավորվա՞ծ է ՀՀԿ-ից
ԲՀԿ մամուլի խոսնակ Տիգրան Ուրինխանյանից 168.am-ը հետաքրքրվեց, այնուամենայնիվ, սպասո՞ւմ էիք քվեարկության նման արդյունքների, ինչին ի պատասխան, նա ասաց. «Տվյալ պարագայում անէական են իմ սպասելիքները, որովհետև ես սպասում էի, որ ավելի նվազ կոմֆորմիստական երևույթ տեղի կունենա, իսկ հիմա տեղի ունեցավ այն, ինչ տեղի ունեցավ»:
Հարցին, թե ԲՀԿ-ն վիրավորվա՞ծ է ՀՀԿ-ից, ԲՀԿ մամուլի խոսնակը պատասխանեց. «ԲՀԿ-ն զգում է հստակ վերաբերմունք կուսակցության հանդեպ, ինչպես մենք հայտարարել էինք այս երևույթի հետ կապված մեր քաղաքական խորհրդի՝ Ձեզ և մնացած լրատվամիջոցներին ներկայացված հայտարարության մեջ: Մենք սա որակել ենք ՝որպես հստակ վերաբերմունք, դիրքորոշում, գործողություններ կուսակցության եմ»:
Հիշեցնենք, որ այսօր Աժ-ն 64 կողմ, 6 դեմ և 1 անվավեր ձայներով ընդունեց ՀՀ գլխավոր դատախազի ներկայացրած միջնորդությունը` այդպիսով Վարդան Օսկանյանին զրկելով անձեռնմխելիությունից:
