ՊՆ-ում ամփոփել են ԱՄՆ հրամանատարաշտաբային քոլեջի փորձագիտական խմբի այցի արդյունքները
ՀՀ ԶՈւ ավագ սպայակազմի հրամանատարաշտաբային դասընթացների կրթական չափորոշիչների շուրջ փորձագիտական օժանդակություն տրամադրելու նպատակով 2012թ. սեպտեմբերի 26-ից 30-ը Հայաստանի Հանրապետությունում է գտնվում ԱՄՆ ցամաքային զորքերի «Ֆորտ Լիվենվորֆ» հրամանատարաշտաբային քոլեջի փորձագիտական խումբը:
Սեպտեմբերի 27-ից 28-ը ԱՄՆ ցամաքային զորքերի փորձագիտական խումբը քննարկումներ է անցկացրել ՀՀ ՊՆ Վ.Սարգսյանի անվան ռազմական ինստիտուտում` ՀՀ ռազմական կրթության բնագավառում բարեփոխումների իրականացման նպատակով կազմավորված աշխատանքային խմբի հետ: Աշխատանքային երկու օրերի ընթացքում քննարկումներ են ծավալվել ՀՀ ԶՈւ ավագ սպայակազմի հրամանատարաշտաբային դասընթացների մագիստրոսական կրթական չափորոշիչների, ուսումնական նյութերի մշակման, ծրագրային նպատակների, խնդիրների և պրոֆեսորադասախոսական կազմի վերապատրաստման հարցերով:
ՊՆ լրատվական ծառայությունից 168.am-ին հայտնում են, որ այցի արդյունքներն ամփոփվել են սեպտեմբերի 29-ին ՀՀ պաշտպանության նախարարի առաջին տեղակալ Դ.Տոնոյանի հետ կայացած հանդիպման ընթացքում: Պայմանավորվածություն է ձեռք բերվել հաջորդ տարի իրականացվելիք համատեղ միջոցառումների վերաբերյալ:
