ՀՀ Ֆինանսների նախարարն առաջարկել է պաշտոնանկ անել Գնումների աջակցման կենտրոնի ղեկավարությանը
Ֆինանսների նախարար Վաչե Գաբրիելյանն այսօր կառավարության նիստում հայտարարել է, որ պետական գնումների համակարգում արձանագրված չարաշահումները հիմնականում սխալ վարչարարության արդյունք են: Նա առաջարկել է աշխատանքից ազատել Գնումների աջակցման կենտրոնի ղեկավարությանը, որոնք կապ ունեն արձանագրված թերացումների հետ:
Երբ վարչապետը հետաքրքրվել է, թե կոնկրետ ում պետք է պաշտոնանկ անել, նախարարը նշել է, որ խոսքը կենտրոնի ղեկավարի, տեղակալի և ստորաբաժանումների ղեկավարների մասին է: Տիգրան Սարգսյանը հանձնարարել է պատրաստել վերոնշյալ անձանց պաշտոնանկ անելու հրամանները:
Վարչապետը նաև բոլոր նախարարներին նախազգուշացրել է, որ այսուհետև իրենք են անձնական պատասխանատվություն կրելու գնումների գործընթացի համար:
