Դեղերի իրացման նվազագույն և առավելագույն գներ չեն սահմանվել
ՀՀ առողջապահության նախարար Դերենիկ Դումանյանի հրամանով՝ դեղերի իրացման նվազագույն և առավելագույն գներ չեն սահմանվել: ՀՀ առողջապահության նախարարությունից տեղեկացնում են, որ նախարարի հրամանով սահմանվել են հիվանդանոցային օղակում վճարովի ծառայությունների նվազագույն և առավելագույն կողմնորոշիչ գներ՝ հիմնված տվյալ ծառայությունների ինքնարժեքի հաշվարկի վրա:
Նշենք, որ տեղեկություններ են տարածվել այն մասին, որ ՀՀ առողջապահության նախարարի հրամանով սահմանվել են Հայաստանում վաճառվող դեղերի և դեղանյութերի առավելագույն գներ:
Միևնույն ժամանակ Դերենիկ Դումանյանը հանձնարարել է ուսումնասիրել դեղերի գների կարգավորման եվրոպական փորձը:
