Կին վարորդը Երևանում վրաերթի է ենթարկել 2 տարեկան երեխայի
Սունդուկյան փողոցի թիվ 1 շենքի դիմաց 43-ամյա Արինա Անատոլի Թորոսյանը, վարելով անձնական օգտագործման «Օպել» մակնիշի ավտոմեքենան, վրաերթի է ենթարկել 2-ամյա Արամ Դավիթի Դոլինյանին: Այս մասին տեղեկացնում են ոստիկանությունից:
Արինա Թորոսյանը դեպքի վայրից փախուստի չի դիմել, այլ երեխային տեղափոխել է «Սուրբ Աստվածամայր» բժշկական կենտրոն: Բարեբախտաբար, երեխայի կյանքին վնաս չի սպառնում: Փաստի առթիվ նյութեր են նախապատրաստվում:
