Դումանյանի որդին նշանակվեց

ՀՀ Ազգային ժողովի նախագահ Հովիկ Աբրահամյանի կարգադրությամբ ՀՀ ԱԺ աշխատակազմի ղեկավար է նշանակվել Գուրգեն Դումանյանը:

Հիշեցնենք, որ Գ.Դումանյանը ՀՀ առողջապահության նախարար Դերենիկ Դումանյանի որդին է:

Գուրգեն Դերենիկի Դումանյանը ծնվել է 1979թ. հոկտեմբեր 13-ին, Երևանում: Մասնագիտությամբ բժիշկ, առողջապահության կազմակերպիչ է:
2008-2011թթ. դոկտորանտուրա Առողջապահության ազգային ինստիտուտի սոցիալական հիգիենայի և առողջապահության կառավարման ամբիոնում:
2004-2007թթ. ասպիրանտուրա Առողջապահության ազգային ինստիտուտի սոցիալական հիգիենայի և առողջապահության կառավարման ամբիոնում:

2002-2004թթ. օրդինատուրա Առողջապահության ազգային ինստիտուտի սոցիալական հիգիենայի և առողջապահության կառավարման ամբիոնում: 1996-2002թթ. Երևանի պետական բժշկական համալսարանի բուժական ֆակուլտետ:

1986-1996թթ. Երևանի 131 միջնակարգ դպրոց:

2010-ից մինչ օրս ՀՀ առողջապահության նախարարության «Առողջապահական ծրագրերի իրականացման գրասենյակ» պետական հիմնարկի տնօրեն:

2006-2010թթ. ՀՀ առողջապահության նախարարության «Առողջապահական ծրագրերի իրականացման գրասենյակ» պետական հիմնարկում բաղադրիչի ղեկավար:
2005-2006թթ. ՀՀ առողջապահության նախարարության տեղեկատվական վերլուծական հանրապետական կենտրոնի տնօրենի տեղակալ:
2005-2006թթ. Առողջապահության ազգային ինստիտուտի տնօրենի օգնական:

Բժշկական գիտությունների թեկնածու է, դոցենտ:
Ատենախոսության թեման` «Երևան քաղաքում ճանապարհատրանսպորտային տրավմատիզմի օրինաչափությունների ուսումնասիրությունը և մոնիթորինգային համակարգի մշակումը», մասնագիտությունը` «հանրային առողջություն և առողջապահության կազմակերպում»:
Ատենախոսության թեմայով հրատարակված 9 գիտական աշխատանքների, 3 ուսումնամեթոդական ձեռնարկների, տեղեկագրերի և 1 մենագրության հեղինակ:

Մասնակցություն տարբեր միջազգային և տեղական մասնագիտական սեմինարներ-խորհրդակցությունների, ինչպես նաև Համաշխարհային բանկի կողմից կազմակերված ուսումնական դասընթացների:

Գուրգեն Դումանյանը Հայաստանի հանրապետական կուսակցության անդամ է:
Նաև «Առողջապահության կազմակերպիչների միավորում» հասարակական կազմակերպության խորհրդի, Հանրային խորհրդի «Առողջապահության և սոցիալական հարցերի» հանձնաժողովի անդամ է:
Ամուսնացած է, ունի երեք երեխա: