Atoh1 սպիտակուցի բացակայությունը՝ նորածինների հանկարծակի մահվան պատճառ
Մկների վրա կատարած հետազոտությունների արդյունքում ամերիկացի գիտնականները հանգել են այն եզրակացության, որ Atoh1 սպիտակուցի բացակայությունը նորածինների հանկարծակի մահվան պատճառն է:
«Neuron» ամսագրքում հրապարակված հոդվածում հետազոտության ղեկավարները նշում են, որ այն մկները, որոնց մոտ բացակայել է Atoh1 սպիտակուցը, ծնվելուց քիչ անց սատկել են: Այսպիսով` նրանք եզրակացրել են, որ Atoh1 սպիտակուցն անհրաժեշտ է մի շարք նեյրոնների գործունեության համար:
Նշենք, որ նորածինների հանկարծակի մահը հիմնականում բնորոշվում է՝ որպես արտաքինից առողջ երեխայի շնչառության կանգ: Դրանից մահանում են հիմնականում մինչև 13 շաբաթական երեխաները. երեխայի կես տարին լրանալուց հետո հանկարծակի մահվան ռիսկը զգալիորեն նվազում է: