Աֆղանստանի մայրաքաղաքի կենտրոնում մահապարտը ռումբ է պայթեցրել. կա առնվազն 6 զոհ
Աֆղանստանի մայրաքաղաքում ՆԱՏՕ-ի կենտրոնակայանի հարեւանությամբ այսօր ինքնասպան ահաբեկիչը պայթյուն է իրականացրել, որի հետեւանքով զոհվել է առնվազն 6 մարդ, եւս առնվազն 5-ը վիրավորվել են, հաղորդում է BBC-ն։
Լրատվական գործակալության փոխանցմամբ` Քաբուլի տվյալ շրջանում են տեղակայված նաեւ Միացյալ Նահանգների դեսպանատունը եւ այլ երկրների դիվանագիտական առաքելություններ։
Հարձակումը տեղի է ունեցել, երբ Աֆղանստանի կառավարության պաշտոնյաները հավաքվել էին` նշելու հակաթալիբանյան ուժերի հրամանատար Ահմադ Շահ Մասուդի մահվան 11-ամյակը։
