Վրաստանում 35 զինծառայող է թունավորվել
Վրաստանում սննդային թունավորումից հոսպիտալացվել է 35 զինծառայող: Սեպտեմբերի 7-ի երեկոյան նրանք տեղափոխվել են Գորիի զինվորական հոսպիտալ` «ծանր ինտոքսիկացիա» ախտորոշմամբ:
Թունավորված զինվորները նախ Թբիլիսիի Գուդուշաուրիի անվան հիվանդանոցում ստացել են առաջին օգնություն, ինչից հետո տեղափոխվել են Գորիի զինվորական հոսպիտալ: Նախնական տվյալներով` բոլոր զինվորների թունավորման պատճառ է դարձել սնունդը:
Թե որ զորամասից են զինվորները, չի հաղորդվում, հայտնում է վրացական apsny.ge լրատվական կայքը:
Վրաստանի Պաշտպանության նախարարությունը դեպքի առնչությամբ դեռեւս պաշտոնական հայտարարությամբ հանդես չի եկել:
