Բրեյվեիկի դատավճիռը մտավ ուժի մեջ

Բրեյվեիկի դատավճիռը մտավ ուժի մեջ

Նորվեգիայում այսօր ուժի մեջ է մտել ահաբեկիչ Անդերս Բրեյվիկի դատավճիռը: 21 տարվա ազատազրկման դատապարտված հանցագործի դատավճիռը բողոքարկելու ժամկետը լրացել է անցյալ ուրբաթ:

Օգոստոսի 24-ին` դատավճռի հրապարակումից հետո, և մեղադրող կողմը, և Բրեյվիկը հայտարարել էին, որ չեն բողոքարկելու դատավճիռը, թեև պաշտոնապես նման հնարավորություն ունեին:

Անցյալ շաբաթ փաստաբանները բանտում այցելել են ահաբեկչին: Նրանք համարում են, որ դատավճիռն իրավացի է, և իրենք ուրախ են, որ ամեն ինչ ավարտվեց:

Անդերս Բրեյվիկի կազմակերպած ահաբեկչությունների արդյունքում Օսլոյում և Ութեյի կղզու երիտասարդական ճամբարում 2011-ի հուլիսի 22-ին 77 մարդ էր մահացել:

Դատավճռի համաձայն` բանտարկության 10 տարին լրանալուց հետո ահաբեկիչը հնարավորություն կունենա դիմելու վաղաժամկետ-պայմանական կարգով ազատ արձակման համար: Դատարանը համարում է, որ նույնիսկ ամբողջ պատիժը կրելուց հետո ահաբեկիչը կարող է նոր սպանություններ գործել, ուստի այդ պատժաչափի ավարտից հետո նախատեսվում է ամեն անգամ 5 տարով նրա պատիժը երկարաձգել:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-06-08
«Ո՛չ Հայաստանի, ո՛չ Ադրբեջանի հաղթանակն այս հակամարտության մեջ ոչ մի դեպքում Պուտինին չի գոհացնում»
«Ձեր հույսերը, որ Մոսկվան չի հակառակվի այդ փաստաթղթին, զուր են։ Մոսկվան կդժգոհի և ամենակտրուկ ձևով կխոչընդոտի դրա ստորագրմանը»։