Վրաստանի խորհրդարանը վերջնականապես դուրս եկավ Թբիլիսիից
Ավարտվել է Թբիլիսիում գտնվող Վրաստանի խորհրդարանի նիստերի դահլիճի ապամոնտաժումը: Այնտեղից դուրս է բերվել կահույքը, հավաքվել են գորգերը: Լրագրողներին հնարավորություն չի տրվել լուսաբանելու այդ գործընթացը:
Հոկտեմբերի 1-ի ընտրությունների արդյունքներով ձևավորվելիք նոր խորհրդարանն իր աշխատանքները սկսելու է Քութայիսում: Խորհրդարանի նոր շենքի կառուցումը պետբյուջեի համար արժեցել է 825 միլիոն դոլար: Քութայիսում խորհրդարանի նոր շենքը կառուցվել է Հայրենական մեծ պատերազմում զոհվածներին նվիրված և պայթեցված հուշարձանի տեղում:
Վրացական ընդդիմությունը խորհրդարանը Թբիլիսիից 240 կիլոմետր հեռավորության վրա ընկած Քութայիս փոխադրելու համար խստապես քննադատել է նախագահ Միխեիլ Սաակաշվիլիին:
