Կառավարությունը հավանություն տվեց «Փոխգործակցություն-2012»-ի անցկացմանը
Հայաստանի կառավարությունը հավանություն է տվել «Հավաքական անվտանգության մասին պայմանագրի կազմակերպության շրջանակում Հայաստանի Հանրապետության տարածքում «Փոխգործակցություն-2012» համատեղ զորավարժության նախապատրաստման եւ անցկացման մասին» ՀՀ նախագահի հրամանագրի նախագծին։
Կառավարության մամուլի ծառայությունից հայտնում են, որ զորավարժությունն անցկացվելու է ս.թ. սեպտեմբերի 15-ից 19-ը եւ նպատակ ունի ցուցադրել ՀԱՊԿ օպերատիվ արձագանքման ուժերի կարողությունները համատեղ դիմադրելու բոլոր տեսակի սպառնալիքներին եւ մարտահրավերներին` զարգացնելով այդ ուժերի կարողությունները, բարձրացնելով ՀԱՊԿ համատեղ անվտանգության ուժերի եւ միջոցների համակարգված ներուժը` առկա եւ հնարավոր սպառնալիքների գոյության պայմաններում։
ՀՀ նախագահի հրամանագրով տրվող հանձնարարություններն ուղղված են զորավարժության նախապատրաստման ու անցկացման հետ կապված հիմնական միջոցառումների եւ աշխատանքների իրականացմանը։
