Թուրքիայի ափերի մոտ ներգաղթյալներով նավ է խորտակվել. 20 զոհ կա
Էգեյան ծովում՝ Իզմիրի ափերի մոտ, կործանվել է ավելի քան 100 ապօրինի ներգաղթյալ փոխադրող նավը, հաղորդում է թուրքական Hurriyet-ը: Ներգաղթյալների մեծ մասը սիրիացիներ ու իրաքցիներ են եղել:
Ներկա դրությամբ ջրից դուրս է բերվել 20 մարդու դիակ: Մոտ 50 մարդու հաջողվել է ինքնուրույն ափ հասնել և փրկվել: Մնացածների որոնման աշխատանքները շարունակվում են: Դեռևս հայտնի չէ, թե ուր էր ուղևորվում ապօրինի ներգաղթյալներով լեցուն այդ նավը:
