Մահացու ելքով վրաերթեր Երևանում, վարորդը դիմել է փախուստի
Երեկ՝ սեպտեմբերի 5-ին, ժամը 21.00-ին, «Դեու-Նեքսիա» մակնիշի ավտոմեքենայի վարորդը Հերացու փողոցի թիվ 18 շենքի դիմաց վրաերթի է ենթարկել անձը չպարզված, մոտ 75 տարեկան կնոջ, որը տեղում մահացել է:
Կատարվում է քննություն:
Իսկ այսօր՝ սեպտեմբերի 6-ին, ժամը 01.10-ին, «Նիսան» մակնիշի ավտոմեքենայի վարորդը Մյասնիկյան պողոտայում` «Վենեցիա» ռեստորանային համալիրի դիմաց, վրաերթի է ենթարկել անձը չպարզված մոտ 50 տարեկան տղամարդու, որը ևս տեղում մահացել է:
Ձեռնարկվում են միջոցառումներ նշված ավտոմեքենայի վարորդին հայտնաբերելու ուղղությամբ:
Կատարվում է քննություն:
