Հնդկաստանի գործարաններից մեկում պայթյունից ու հրդեհից առնվազն 30 զոհ կա
Հնդկաստանում հրավառության պարագաներ արտադրող գործարանում տեղի ունեցած պայթյունի հետևանքով առնվազն 30 մարդ է զոհվել, բազմաթիվ ուրիշներ վիրավորվել են: Այս մասին տեղեկացնում է BBC-ի ռուսական ծառայությունը:
Հրդեհն այնքան ուժեղ է եղել, որ հրշեջները մեծ դժվարությամբ են կարողացել մտնել շենք:
Հնդկական Թամիլնադ նահանգի Սիվակասի քաղաքում, որտեղ տեղի է ունեցել դժբախտ դեպքը, մի քանի նմանատիպ գործարաններ կան, որ զբաղվում են հրավառության պարագաների արտադրությամբ:
