Իրանն ազատ է արձակել լրտեսության մեջ մեղադրվող ադրբեջանցիներին
Իրանը ազատ է արձակել ադրբեջանցի գրողներ Ֆարիդ Հուսեյնին և Շահրիար Հաջիզադեին, ովքեր մեղադրվում էին Իսլամական հանրապետության դեմ լրտեսություն իրականացնելու մեջ, հաղորդում է «Interfax» գործակալությունը:
Իրանի ԱԳՆ-ի պաշտոնական ներկայացուցիչ Ռամին Մեհմանպարաստը հայտարարել է, որ նշյալ անձինք երեքշաբթի փոխանցվել են Թավրիզում Ադրբեջանի հյուպատոսություն:
Հուսեյնը և Հաջիզադեն Իրան էին մեկնել Թավրիզում անցկացվող փառատոնին մասնակցելու համար և ձերբակալվել էին այնտեղ մայիսի 2-ին: Նրանց գործը լսվել է դատարանում:
