Հունգարիայի վարչապետը հայտարարում է, թե իրենք ապօրինի քայլ չեն արել
Հայ սպա Գուրգեն Մարգարյանին կացնահարած, ցմահ դատապարտյալ Ռամիլ Սաֆարովի արտահանձնման կապակցությամբ սեպտեմբերի 3-ին հայտարարությամբ է հանդես եկել Հունգարիայի վարչապետը: Այս մասին հաղորդում է Հունգարիայի Հանրային հեռուստաընկերությունը:
Հունգարիայի վարչապետ Վիկտոր Օրբանը սեպտեմբերի 3-ին հայտնել է, որ Հունգարիան Սաֆարովի արտահանձնման հարցում գործել է միջազգային չափանիշներին համապատասխան:
Այն հարցին, թե արդյոք հունգարական կողմը գաղտնի համաձայնության է եկել ադրբեջանական իշխանությունների հետ, Վիկտոր Օրբանը պատասխանել է. «Հունգարիան ժողովրդավար պետություն է: Միջազգային չափանիշները և իրավունքները չեն հիմնվում գաղտնի համաձայնությունների վրա»:
