Թիվ 100 միկրոավտոբուսը բախվել է Մաշտոցի պողոտայի թունելի պատին. 4 վիրավոր կա
ԱԻՆ լրատվական ծառայությունից տեղեկացնում են, որ այսօր՝ օգոստոսի 4-ին, ժամը 13.32-ին ահազանգ է ստացվել, որ Երևանի Մաշտոցի պողոտայում՝ «Մետրոպոլ» հյուրանոցի մոտակայքում, ավտոմեքենայից առկա է արտահոսք: Դեպքի վայր է մեկնել մեկ մարտական հաշվարկ: Պարզվել է, որ 100 համարի «ԳԱԶել» մակնիշի երթուղային միկրոավտոբուսը Մաշտոցի պողոտայի ստորգետնյա անցուղում բախվել է պատին, ինչի հետևանքով ուղևորներ՝ 1959 թ. ծնված Ամալյա Գալստյանը, 1932 թ. ծնված Նվարդ Միքայելյանը, 1960 թ. ծնված Գևորգ Գալստյանը, 1949 թ. ծնված Անահիտ Սողոմոնյանը ստացել են մարմնական վնասվածքներ և տեղափոխվել հիվանդանոց:
