Ինդոնեզիայում 6,5 մագնիտուդով երկրաշարժ է գրանցվել
6,5 մագնիտուդով երկրաշարժ է գրանցվել Ինդոնեզիայի հարավային ծովեզերքին, առողջարանային Բալի կղզու մոտ: Ցունամիի վտանգ չի հայտարարվել:
Երկրաշարժի էպիկենտրոնը Հնդկական օվկիանոսի մակերևույթից ընդամենը 10 կմ խորության վրա է: Զոհերի ու ավերածությունների մասին դեռևս տեղեկություններ չկան:
Ինդոնեզիան «Խաղաղօվկիանոսյան հրե օղակի» (հզոր տեկտոնական խզվածք) մի մասն է:
