Ադրբեջանի ԱԳ նախարարը ևս մեկնում է Փարիզ
Ադրբեջանի ԱԳՆ ղեկավար Էլմար Մամեդյարովը սեպտեմբերի 3-ին այց կկատարի Փարիզ: Այս մասին հայտնել է Ադրբեջանի ԱԳՆ պաշտոնական ներկայացուցիչ Էլման Աբդուլաևը:
Փարիզում Մամեդյարովը կհանդիպի Մինսկի ԵԱՀԿ խմբի անդամների հետ և կքննարկի Լեռնային Ղարաբաղի հարցում հայ-ադրբեջանական հակամարտության կարգավորման խնդիրները:
Հիշեցնենք, որ Հայաստանի արտգործնախարար Էդվարդ Նալբանդյանն էլ սեպտեմբերի 2-ին է մեկնելու Փարիզ:
ՀՀԱԳՆ մամուլի ծառայությունից հայտնել են, որ սեպտեմբերի 2-ին նախատեսված է նրա հանդիպումը ԵԱՀԿ Մինսկի խմբի համանախագահների հետ:
