«Դինո գոլդը» ոսկի չի՞ փնտրում Առաջաձորում
Կապանում շրջանառվող խոսակցությունների համաձայն` Կապանի «Դինո գոլդ մայնինգ քամփնի» ՓԲ ընկերությունն առաջիկայում պատրաստվում է ոսկու հետախուզական աշխատանքներ իրականացնել Կապանի Առաջաձոր գյուղում:
Այդ լուրերի համաձայն` ընկերությունը վարվելու է այնպես, ինչպես Շահումյան բանավանի դեպքում` գնելով բանավանի տները, որպեսզի այդ տարածքում իրականացնի ոսկու որոնողական աշխատանքները:
Քիչ առաջ 168.am-ի հետ զրույցում այս լուրը հերքեց ընկերության լրատվության պատասխանատու Գայանե Թադևոսյանը: Վերջինիս փոխանցմամբ` ինքն այդպիսի լուր չի լսել և իրենց ընկերությունը ցանկացած քայլի մասին պաշտոնական հաղորդագրություն է տարածում:
