Նախատեսում են հեռահաղորդակցման արբանյակ ստեղծել Հայաստանի համար
Ռուսական «Տեղեկատվական արբանյակային համակարգեր» ընկերությունը ստորագրել է հուշագիր, որով նախատեսում է ՀՀ տրանսպորտի և կապի նախարարության հետ պայմանագիր կնքել` հեռահաղորդակցման արբանյակ ստեղծելու համար:
Փաստաթուղթը նախատեսում է Հայաստանի համար կապի և հեռահաղորդակցման արբանյակը կյանքի կոչելու մասին պայմանագիրը կնքելու հնարավորություն:
15 տարվա ժամկետով տիեզերական գեոստացիոնար ապարատը նախատեսվում է իրականացնել «Էքսպրես-1000H»-ի հիմքի վրա:
Համաձայն այս տեխնիկական պահանջների, արբանյակի օգտակար բեռնվածության աստիճանը կհստակեցվի Հայաստանի ուղեծրահաճախային ռեսուրսների օպտիմալ օգտագործման խնդրի լուծումից հետո:
Հուշագրի ստորագրումը իրականացվել է Մեծ Բրիտանիայի Farnborough International Airshow-2012 ավիասալոնի ժամանակ: Կողմերը պարտավորվել են պարբերական հանդիպումներ կազմակերպել նախապայմանագրային աշխատանքերի շրջանակներում:
