Արցախի նախագահը հայտնի բարերարի հետ քննարկել է ներդրումային նոր ծրագրեր
Արցախի Հանրապետության նախագահ Բակո Սահակյանը հուլիսի 16-ին ընդունել է հայտնի բարերար Լևոն Հայրապետյանին, այս մասին տեղեկացնում են Արցախի Հանրապետության նախագահի աշխատակազմի տեղեկատվության գլխավոր վարչությունից:
Հանդիպմանը քննարկվել են Արցախում տարբեր ներդրումային ծրագրերի իրականացման հետ կապված հարցեր:
Բակո Սահակյանը շնորհակալություն է հայտնել բարերարին` Արցախի շենացման գործում ունեցած մեծ ավանդի համար, ինչպես նաև կարևորել նրա անձնական օրինակը Արցախում տարբեր բարերարների կողմից ներդրումային ծրագրերի իրականացման տեսանկյունից:
Լևոն Հայրապետյանն իր հերթին նշել է, որ Լեռնային Ղարաբաղում ստեղծված է բարենպաստ տնտեսական և քաղաքական մթնոլորտ գործարար միջավայրի զարգացման համար, ինչը և հանդիսանում է ներդրումների ներգրավման կարևորագույն նախապայմաններից մեկը:
