Սիրիան ու Մարոկկոն փոխադարձաբար վտարել են դեսպաններին
Սիրիայի իշխանություններն այսօր երկրում Մարոկկոյի դեսպանին «անցանկալի անձ» են հայտարարել, տեղեկացնում է «Ֆրանս պրես» գործակալությունը:
Այդ քայլին Սիրիան գնացել է այն բանից հետո, երբ Մարոկկոյի իշխանությունները երեկ Սիրիայի դեսպանից պահանջել էին անհապաղ լքել երկիրը:
Ավելի վաղ եվրոպական և արաբական երկրների մեծ մասը, ինչպես նաև ԱՄՆ-ը, Ավստրալիան և Կանադան արդեն հայտարարել էին սիրիացի դեսպաններին վտարելու, ինչպես նաև իրենց դեսպանին հետ կանչելու մասին: Մարոկկոյի իշխանությունները, սակայն, իրենց արարքը չեն մեկնաբանել:
Սիրիայի շուրջ հերթական դիվանագիտական սկանդալը հավանաբար պայմանավորված է այս երկրում իրավիճակի կտրուկ սրմամբ: Հուլիսի 16-ի գիշերը ուժգին մարտեր են ընթացել Դամասկոսի հյուսիսային մասերում` կառավարական շենքերի հարևանությամբ:
