Հայաստանի նախագահը կմասնակցի Թեհրանի գագաթնաժողովին
Հայաստանի նախագահ Սերժ Սարգսյանն ընդունել է Իրանի նախագահ Մահմուդ Ահմադինեժադի հրավերը` մասնակցելու սեպտեմբերի սկզբին Թեհրանում կայանալիք «Չմիավորման շարժման» գագաթնաժողովին:
Ինչպես տեղեկացնում է իրանական IRNA գործակալությունը` հրավերը Սերժ Սարգսյանին է փոխանցել Իրանի ներքին գործերի նախարար Մոսթաֆա Մուհամմեդ-Նաջարը:
Նախօրեին Սերժ Սարգսյանն ընդունել էր ՆԳ նախարար Նաջարի գլխավորած պատվիրակությանը և նշել, որ որ վերջին շրջանում հաճախակի դարձած` երկու երկրների բարձրաստիճան պաշտոնյաների փոխայցելությունները, այդ թվում՝ ԻԻՀ ՆԳ նախարարի այս այցը, վկայում են հայ-իրանական բարեկամությունն ավելի ամրապնդելու` երկկողմ ձգտման եւ գործնական կապերն ավելի խորացնելու վճռականության մասին:
