Արգենտինան դեսպանատուն կբացի Բաքվում
Մոտ ապագայում Բաքվում կբացվի Արգենտինայի դեսպանատունը. Տեղեկացնում է «Ռեգնում» գործակալությունը: «Արգենտինյան դիվանագիտական ներկայացուցչությունը հավանական է Բաքու ժամանի ընթացիկ տարվա հոկտեմբերի 1-ից»,- հայտարարել է Բաքվում Արգենտինայի հարցերով ժամանակավոր հավատարմատար Խորխե Ռոբալլոն:
Նրա խոսքերով` դեսպանատանը կից կգործի նաև հյուպատոսարանը` հեշտացնելով Ադրբեջանի քաղաքացիների` Արգենտինա մուտքի արտոնագիր ստանալու գործընթացը:
Դիվանագետը նշել է, որ Արգենտինան հետաքրքրված է Ադրբեջանի հետ համագործակցությամբ` ոչ միայն էներգետիկ ոլորտում:
