Համայնքների ղեկավարներին կարգելվի ձեռնարկատիրությամբ զբաղվել
ՀՀ կառավարությունը այսօրվա իր նիստի ընթացքում հավանություն է տվել «Համայնքային ծառայության մասին», «Հանրային ծառայության մասին» և «Տեղական ինքնակառավարման մասին» ՀՀ օրենքներում փոփոխություններ և լրացումներ կատարելու օրենքների նախագծերի փաթեթին:
Այն վերաբերում է համայնքային և հանրային ծառայողների իրավահարաբերություններին։ Մասնավորապես, առաջարկվում է ՀՀ օրենսդրությամբ բարձրաստիճան պաշտոնատար անձանց նկատմամբ կիրառվող սահմանափակումները տարածել ՀՀ բոլոր համայնքների ղեկավարների վրա։
Նախագծերի փաթեթը սահմանված կարգով կներկայացվի ՀՀ Ազգային ժողով։
