Հիմնադրամը շարունակում է ծննդատան հիմնանորոգման ֆինանսավորումը
«Հայաստան» համահայկական հիմնադրամի Մոնրեալի տեղական մարմինը` ի դեմս կանադահայ բարերարներ Վրեժ և Իմաստուհի Նիկողոսյանների, շարունակում է ֆինանսավորել Կոտայքի մարզի Աբովյան քաղաքի ծննդատան հիմնանորոգումը:
2010-ից սկսած հիմնանորոգվել են հիվանդանոցի ծնարանային-վիրահատական և հետծննդյան բաժանմունքները: Այս տարվա մայիսին բարերարների խումբը` Մոնրեալի տեղական մարմնի ատենապետ Անդրանիկ Շիրինյանի գլխավորությամբ, այցելեց ծննդատուն` ծանոթանալու կատարված աշխատանքներին, որից հետո ստանձնեց հետծննդյան բաժանմունքի ևս երեք հիվանդասենյակների նորոգումը:
Հիվանդանոցը 27 տարի է, ինչ սպասարկում է Աբովյան քաղաքի և շրջակա 20 գյուղերի բնակիչներին: Գլխավոր բժիշկ Լարիսա Մադոյանի խոսքով` բաժանմունքներն արդիականացման խիստ կարիք ունեին, և այսօր բուժծառայություններն այստեղ մատուցվում են պատշաճ մակարդակով:
