Ժամանակավորապես կդադարեցվի 9, 14 և 38 երթուղիների աշխատանքը
Մայրաքաղաքում ուղևորափոխադրումներ իրականացնելու նպատակով Երևանի քաղաքապետարանի կողմից նախապես հայտարարված հուլիսի 6–ին կայանալիք մրցույթը, կառավարության որոշմամբ հայտարարված հանգստյան օրերի կապակցությամբ տեղափոխվել է հուլիսի 10–ին։ Այս մասին հայտնում են Երևանի քաղաքապետարանի աշխատակազմի տրանսպորտի վարչությունից:
Հուլիսի 10–ին կայանալիք մրցույթով պայմանավորված՝ օրվա առաջին կեսին ժամանակավորապես կդադարեցվի միկրոավտոբուսային թթ. 9, 14 և 38 երթուղիների աշխատանքը։
Պատճառած անհանգստության համար քաղաքապետարանը հայցում է բնակչության ներողամտությունը։
