10 լավագույն երգերը, որոնք անպայման պետք է լսել

The Rolling Stone հեղինակավոր երաժշտական ամսագրի վարկածով բոլոր ժամանակների և ժողովուրդների 10 լավագույն երգերը:

1. Բոբ Դիլան – «Like a Rolling Stone»:

Հեղինակ – Բոբ Դիլան

Պրոդյուսեր – Թոմ Ուիլսոն

Ռելիզ – հուլիս, 1965թ.:

Դիլանական ձգված «Ho-o-o-ow does it fe-e-e-el?»-ը բավականին հասարակ մոտիվ է: Մի տեսակ իդեալական հիթ բրիտանական փաբի համար: Ուղղակի հրաշալի հնարավորություն է՝ նստել մեկ գավաթ գարեջրի շուրջ և ընկերների հետ երգել կյանքը հաստատող այս երգը:

2. The Rolling Stones – «(I Can’t Get No) Satisfaction»

Հեղինակ – Միք Ջագգեր, Քիտ Ռիչարդս

Պրոդյուսեր – Էնդրյու Լուգ Օլդհեմ

Ռելիզ – մայիս, 1965թ.:

Քիտ Ռիչարդսը տվեց ռիթմը, իսկ Ջագգերը՝ միանգամից բառերը: Անխոս հիթ` բոլոր դարերի համար:

3. John Lennon – «Imagine»

Հեղինակ – Ջոն Լենոն

Պրոդյուսեր Ջոն Լենոն, Ֆիլ Սպեկտոր

Ռելիզ – հոկտեմբեր, 1971թ.:

Գրված Ջոն Լենոնի կողմից Յոկո Օնոյի համար իր` Tittenhurst Park տան ննջարանում, դաշնամուրի նվագակցությամբ: Երգը դարձավ նվեր ամբողջ աշխարհի համար և մարդու կողմից երբևէ գրված լավագույն բալլադներից մեկը:

Ինչպես հիշում է Օնոն. «Ջոնը հավատում էր, որ մենք մի երկիր ենք, մի աշխարհ, մի ժողովուրդ: Նա ուզում էր, որ բոլորը ներշնչվեն այդ գաղափարով»:

4. Marvin Gaye – «What’s Going On»

Հեղինակ – Մարվին Գեյ, Ռենալդո Բենսոն, Ալ Քլևելանդ

Պրոդյուսեր – Մարվին Գեյ

Ռելիզ – փետրվար 1971թ.:

Սոուլ և ռիթմ ընդ բլյուզ ժանրի հրաշալի բալլադ: Ինչպես հետագայում Գեյը գրել է իր ինքնակենսագրության մեջ այս երգի մասին. «Ես գիտեի, որ պարզապես պետք է խաղաղություն գտնեմ իմ սրտում»:

5. Aretha Franklin – «Respect»

Հեղինակ – Օտիս Ռեդինգ

Պրոդյուսեր – Ջերրի Վեխլեր

Ռելիզ – ապրիլ, 1967թ.:

Օտիս Ռեդինգի լավագույն երգերից մեկը, որը երգել է Արետա Ֆրանկլինը: Շնորհիվ գերազանց վոկալ տվյալների և խարիզմի, Ֆրանկլինը դարձավ սոուլի «թագուհին»: Արետան առաջին կինն էր, ում անունը գրանցվեց ռոք-ըն-ռոլի Փառքի սրահում:

6. The Beach Boys – «Good Vibrations»

Հեղինակ – Բրայան Վիլսոն, Մայկ Լով

Պրոդյուսեր – Բրայան Վիլսոն

Ռելիզ – հոկտեմբեր, 1966թ.:

Երգի բառերի հեղինակ և պրոդյուսեր Բրայան Վիլսոնն ուղղակի ասել է. «Սա ավելի լավ կլինի, քան «You’ve Lost That Lovin’ Feelin»-ը»:

7. Chuck Berry – «Johnny B. Goode»

Հեղինակ – Չակ Բերրի

Պրոդյուսեր – Լեոնարդ և Ֆիլ Չես

Ռելիզ – ապրիլ, 1958թ.:

Ռոք-ըն-ռոլի իդեալական հիթ, որը հետագայում պետք է ոգեշնչի երաժիշտներին ամբողջ աշխարհում: Նույնիսկ «արքան» համարում է Չակ Բերրիի երաժշտությունը ցնցող: Մի անգամ Էլվիս Պրեսլին խոստովանել է. «Ես ուղղակի կցանկանայի իմ զգացմունքներն արտահայտել այնպես, ինչպես դա անում էր Չակ Բերրին»:

8. The Beatles – «Hey Jude»

Հեղինակ – Ջոն Լենոն, Փոլ ՄըքՔարթնի

Պրոդյուսեր – Ջորջ Մարտին

Ռելիզ – օգոստոս, 1969թ.:

ՄըքՔարթնին երգը գրել է 1968թ.` երգելով իր համար, երբ պլանավորում էր այցելել` ապագայում Ջոն Լենոնի նախկին կնոջը և որդուն` Ջուլիանին: Արդյունքում բառերը գրվեցին, և Լենոնի որդու անվան՝ Ջուլի փոխարեն՝ Փոլը որոշեց այլ անուն դնել` Ջուդ:

«Էյ, տղա, քո ծնողները բաժանվել են: Ես գիտեմ, դու դժբախտ ես, բայց ամեն ինչ լավ կլինի»:

9. Nirvana – «Smells Like Teen Spirit»

Հեղինակ – Կուրտ Քոբեյն

Պրոդյուսեր – Բուչ Վիգ

Ռելիզ – սեպտեմբեր, 1991թ.:

Երբ երգի պրոդյուսեր Բուչ Վիգն առաջին անգամ լսեց ավտոտնակում ձայնագրված երիտասարդ և այն ժամանակ բոլորովին անհայտ «Նիրվանա» խմբի երգը, նա պատկերացում անգամ չուներ, որ այդ ստորգետնյա ավտոտնակային հնչողությունն այդպես կներգործի համաշխարհային երաժշտության վրա:

10. Ray Charles – «What’d I Say»

Հեղինակ – Ռեյ Չարլզ

Պրոդյուսեր – Ահմետ Էրթեգուն, Ջերրի Վեխլեր

Ռելիզ – հունիս, 1959թ.:

Մարդիկ ուղղակի խելագարվում էին, նրանք պաշտում էին, երբ իրենց Ռեյ Չարլզից մի քիչ «ummmmh, unnnnh» էին տալիս: Երգն անվանում են լավագույնը ռոք-ըն-ռոլի պատմության մեջ: Ինչպես Ռեյ Չարլզն է ասել իր հարցազրույցներից մեկում. «Մարդիկ ասում են, որ սա լկտի է: Բայց, սատանան տանի, եկեք ճշմարտության աչքերին նայենք. բոլորը գիտեն «ummmmh, unnnnh»-ի մասին: Ահա թե ինչու ենք մենք այստեղ»:

Պատրաստեց Անի Գաբուզյանը