«Դուք տեղյակ եք իմ դիրքորոշումներին, մասնավորապես՝ 2020 թվականից սկսած, պատերազմի ողբերգական ավարտից հետո հատկապես։ Ես Ձեզ ասեմ՝ 2018 թվականից սկսած ես խիստ որոշակի վերապահումներ ունեցել եմ քաղաքական գործընթացների վերաբերյալ, որոնք ծավալվում էին Հայաստանում։
Տևական ժամանակ է, իշխանական և մերձիշխանական տարբեր ուժեր թիրախավորում են Հայաստանի Հանրապետական կուսակցությանը (ՀՀԿ)՝ ներկայացնելով տարատեսակ մեղադրանքներ, առաջին հերթին՝ մեղադրելով այն բանի մեջ, թե «ՀՀԿ-ն, մասնավորապես՝ Երրորդ նախագահ Սերժ Սարգսյանն է Նիկոլ Փաշինյանին բերել իշխանության», թեպետ տրամաբանող մարդկանց համար հասկանալի է, որ օրվա իշխանությունն ու նրան սատարող ուժերը չէին կարող չթիրախավորել ազգային գաղափարախոսությամբ ուժին՝ ՀՀԿ-ին։
