Երևանում 1-ամյա երեխան ընկել է պատուհանից և մահացել
Երևանում բազմաբնակարան շենքերից մեկի 3-րդ հարկից երեխա է ընկել և մահացել։ Այս մասին Sputnik Արմենիային հայտնեցին Սբ. Գրիգոր Լուսավորիչ բժշկական կենտրոնից, որտեղ էլ դեպքից հետո տեղափոխել էին երեխային։
««Սուրբ Գրիգոր Լուսավորիչ» բժշկական կենտրոն է տեղափոխվել երեխա՝ բազմակի վնասվածքներով և սրտի կանգով: Բժշկական կենտրոնի վերակենդանացման թիմը և համապատասխան մասնագետներն անմիջապես իրականացրել են վերակենդանացման անհրաժեշտ բոլոր համալիր միջոցառումները»,– ասացին ԲԿ–ից։
Ընդգծեցին` վնասվածքների ծանրության պատճառով, սակայն, երեխայի սրտի աշխատանքը վերականգնել չի հաջողվել, և արձանագրվել է կենսաբանական մահ։
Փոքրիկը 1 տարեկան էր։
