ԱՄՆ-Իրան լարվածության ֆոնին նավթի գինը բարձրացել է 4 տոկոսով

Նավթի գները երկուշաբթի աճել են ավելի քան 4%-ով, քանի որ Հորմուզի նեղուցով էներգակիրների մատակարարումները շարունակում են վտանգված լինել: Այս մասին գրել է Reuters գործակալությունը։

Brent տեսակի նավթի ֆյուչերսները բարձրացել են 3.10 դոլարով կամ 4.08%-ով՝ հասնելով մեկ բարելի դիմաց 79.11 դոլարի։ Միևնույն ժամանակ, ԱՄՆ-ի West Texas Intermediate (WTI) տեսակի նավթի գինը բարձրացել է 2.95 դոլարով կամ 4.11%-ով՝ կազմելով մեկ բարելի դիմաց 74.36 դոլար։

ԱՄՆ ԶՈւ Կենտրոնական հրամանատարությունը հայտնում է, որ կիրակի ավարտել է Իրանի դեմ հարվածների հերթական փուլը։ Իրանն, իր հերթին, բալիստիկ հրթիռներ և անօդաչու սարքեր է արձակել ԱՄՆ-ի մի շարք ռազմաբազաների ուղղությամբ։