Երեկ հայտնի դարձավ, որ հրաժարական է տվել ՀՀ սննդամթերքի անվտանգության տեսչական մարմնի (ՍԱՏՄ) ղեկավար Արմեն Հայրապետյանը: Տևական ժամանակ լուրեր էին շրջանառվում, որ Նիկոլ Փաշինյանի աշխատակազմի ղեկավար Արայիկ Հարությունյանը, որը տեսչական մարմինների աշխատանքներն է համակարգում, դեռ Գեորգի Ավետիսյանի պաշտոնանկությունից հետո ցանկանում էր այդ պաշտոնում նշանակել իր մտերիմ Արմեն Դանիելյանին՝ տեսչական մարմինների աշխատանքները համակարգող գրասենյակի ղեկավարի տեղակալին, սակայն Փաշինյանը Հայրապետյանին է նշանակել։
Օգոստոսի 19-ին «Իրավունքի Եվրոպա միավորում» ԻՀԿ-ն («Europe in Law Association» NGO) ֆեյսբուքյան իր էջում տեղեկացրել էր ՀՀ պետական մարմինների հիմնական դերակատարների համար Միջազգային քրեական դատարանի (ՄՔԴ) նյութական և դատավարական իրավունքի վերաբերյալ Ծաղկաձորում երկօրյա աշխատաժողովի արդյունքների մասին:
