Ադրբեջանը շարունակում է տարբեր մեթոդներով սադրիչ գործողություններ իրականացնել Հայաստանի ու Արցախի սահմաններին։
168.am-ի հետ զրույցում Գեղարքունիքի մարզի Նորաբակ գյուղի վարչական ղեկավար Վազգեն Ասատրյանն ասաց, որ թշնամու դիրքերը տեսնում են, սակայն դեռևս տեխնիկայի տեղաշարժ չեն նկատել։
Պաշտպանության նախարարության փոխանցմամբ, սեպտեմբերի 23-ին՝ ժամը 07։40-ի սահմաններում, Ադրբեջանի ԶՈւ ստորաբաժանումները կրկին խախտել են հրադադարի ռեժիմը՝ տարբեր տրամաչափի հրաձգային զինատեսակներից կրակ բացելով հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի ուղղությամբ։
