Հայ Առաքելական եկեղեցու վրա Նիկոլ Փաշինյանի հարձակման ալիքը հասավ նաև Քրեակատարողական ծառայություն (ՔԿԾ)։ Հենց Փաշինյանի բարձր հովանու ներքո ՔԿԾ և եկեղեցու հարաբերություններում այնպիսի լարված իրավիճակ ստեղծվեց, ինչպիսին չի եղել ՔԿԾ և քրեակատարողական հիմնարկներում հոգևոր ծառայության հիմնադրումից ի վեր։
Մարտի 7-ին՝ «Սուրեն Պապիկյանի կրոնաքաղաքական կաշկանդվածությունը. «անհարմար» հարցեր՝ ԶՈւ հոգևոր ծառայության «կերպափոխման» մասին» վերտառությամբ հոդվածում գրել էինք, որ փետրվարի 6-ին ՀՀ պաշտպանության նախարարին հասցեագրված մեր գրավոր հարցումը (ինչի համար հիմք է ծառայել հունվարի 30-ի ՀՀ պաշտպանության նախարար Սուրեն Պապիկյանի հրամանը) մեկ ամիս անց մնացել է անպատասխան:
