Սեպտեմբերի 13-ին, երբ Ադրբեջանը հարձակվեց Հայաստանի վրա մի քանի ուղղություններով, Ջերմուկ քաղաքի բոլոր հյուրանոցներն այդ պահին զբաղված էին, հանգստացողների գերակշիռ մասն օտարերկրյա զբոսաշրջիկներ էին։ Ջերմուկի վրա թշնամու արձակած կրակոցներից անմիջապես հետո զբոսաշրջիկները հեռացել էին։ Այսօր հյուրանոցների որոշ մասը դատարկ է, թեպետ առողջարանային քաղաքի պատկան մարմինները հույս ունեն, որ այս առումով իրավիճակը կշտկվի։
